SUPERBALITA CEBU

Albor: Kapolisan ug militar naukay

Sandiganan

MOABOT 674 ka mga polis napasakaan og human rights violations ug 260 nataktak sulod sa usa ka tuig. Sa talaan 95 nalambigit sa drugas lakip na sa narco-generals Joel Pagdilao, Edgardo Tinio, Marcelo Garbo, Bernardo Diaz ug Vic Loot.

Sa lain-laing anomaliya 55 ang gitaktak sa CCPO, 36 sa CPPO, 21 sa Mandaue, 23 sa Lapu-lapu ug sa Talisay gipangrelibohan kay giingong nangilkil. Dihay polis sa Liloan tigsuplay og drugas sa bilanggoan.

Kadtong hepe sa Consolacion naisyo sa sugal, sa Barili, Alcantara ug Camotes gihulipan kay lugak batok drugas, 39 lakip ang hepe sa Parian gipangrelibohan gumikan sa pangilkil ni PO3 Ritchie Saquilabon. Dunay polis mosuyop.

Gilabay sa Basilan ang 87 nga nalambigit sa drug trafficking ug illegal gambling. Kaso sa siyam ka CIDG 7 sa wala pagdeklarar sa ilang SALN.

Kadtong pagpatay sa CIDG 8 ni Albuera Mayor Rolando Espinosa. Gihulipan si Col. Lito Patay sa CIDG 7 sa Chinese online gambling sa Mactan nunot sa pasangil nga mga kadagkoan nakadawat og suborno sa maong Pogo. Kanhi PRO 7 Chief Jose Mario Espino mipahawa human pasanginli nga nangilkil sa nga direktor. Silot ni PO2 Cyrelle Bayate nga nanugal sa casino.

Gipalagpot ang 20 ka militar sa 1.491M pesos ghost procurement lakip na nila ni Health Commander Edwin Leo Torelavega ug Medical Commander Antonio Punzalan.

Polis ang tinubdan sa drugas sa giilang drug queen sa Manila. Gen. Oscar Albayalde gitumbok nga ninja cop nga midupa sa 13 ka mga sakop sa Pampanga nga gilambigit sa shabu re-cycling sumala ni Baguio Mayor Benjamin Magalong, kanhi hepe sa CIDG diin midason si Ret. Gen. Rudy Lacadin.

Nakapalit silag mga SUV maong si Albayalde nalakip sa gireklamo sa DOJ sa Pampanga drug raid. Major Rodney Baluyo gisagpa og contempt sa senado gipapriso. Siyam ka ninja cops sa Central Visayas ug tulo sa Antipolo gitaktak sa mao gipahapong salaod.

Nakapaukay sab kadtong pagpatay ni PO3 Eugene Calumba nga naunhan ni William Macaslang, driver-bodyguard ni Konsehal Jessielou Cadungog. Gikatahapan si SPO1 Frederick Balili sa nahitabo ni PDEA Von Rian Tecson atol nga samdan sa accidental firing sa Pinamungajan.

Kapolisan napasanginlan nga maoy nag-ambush ni Clarin Mayor David Navarro. Sila Sgt. Adrian Yonting ug Rodrigo Inoc nangulata sa sakop sa Akrho. Sgt. Mario Cartuciano nga nag-tong-its namusil. Gikan sa Hulyo 2016 miabot nag 31 ka polis ang gipatay ning ulahi si Lt. Col. Joie Yape Jr.

Kadto si Gen. Angelo Reyes nga nabulit sa kaulaw naghikog. Sila Col. Carlos Garcia, Gen. Diomedes Villanueva, Gen. Roy Cimatu, Gen. Avelino Razon Jr. ug Gen. Alan Purisima misalom sa lama sa anomaliya. (csa_1156@yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph