Binghay: Pagbalansi sa oras

PANGUTANA- ka pila man ka beses karong semanaha ka naka-uli og dugay tungod sa nagla-undok ug way kahumanang ginbuhaton sa trabaho? Di na ba ma ihap?

Usahay maka-ingon ta nga imposibli nga maka-uli on time kay kanunay dunay gi-apas nga deadline o gikinahanglan ang imong presensiya sa kompaniya.

Ang pagtrabaho og overtime kumon nga ipahigayon sa mga buhatan, ang kadaot kay ang ubang opisina ‘i- thank you’ pa gayod o way bayad ang imong sobrang oras sa serbisyo.

Ang ending ini pa-ingon sa sakit sa lawas, tumang stress og kakapoy nga mo resulta sa kakuwang sa katulog dayon pagpang luya.

Kung kini di matabang, ma burn-out ang tagtungod unya makapa-menus sa agi sa trabaho, makapa daghan sa sayop-sayop, maka-kuwang sa konsentrasyon ug makapa-sakit og depression o tumang kabalaka.

Karong panahuna angay i-balansi ang oras sa pagtrabaho ug ang panahon para sa pamilya.

Aron di mapuno, planuhon daan sa layo pa ang mga aktibidadis sa tibuok adlaw ug semana aron di magpatong-patong ang trabahoon unya way madala nga homework inig uli.

Break sab panagsa. Kung naa sa trabaho, pahuway bisag 15 minutos sa buntag, 1 ka oras sa pani-udto og laing 15 sa hapon. Pangita og lugar nga maka lakaw-lakaw ka, ma tuy-od ang lawas ug ka-unuran ug kabukugan.

Pahati sab og panahon nga maka bakasyon sa laing lugar aron mabalik ang kadasig sa lawas.

Pagkat-on sa pagbalibad. Ayaw kaikog sa pagbalibad kung sa imong tan-aw di na nimo makaya ang trabahoon aron di ka mapuno.

Pagnga imong mga kahimanan sa pagtrabaho sama sa computer, telepono ug uban pa kung human o wa kana magtrabaho. Hinuon pangita og mga ginbuhaton nga makalingaw ug makapalipay nimo aron maka relax ug makalimot bisag makadiyot sa imong trabaho.

Katapusan tan-awa imong schedule sa trabaho kung di ka ka uyon sa inadlaw nga trabaho suwayi ang pang gabii o ba kaha kung di ka ganahan manrabaho sa gawas, pwede sab ang work from home( trabaho sulod sa balay) kasagaran ini mga online nga trabaho.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph