Sundalo patay batok BIFF

MAGUINDANAO. Mga IEDs ug sangkap sa paggama og bomba nga nakuha sa lugar nga gitagoan sa BIFF sa Barangay Kitango, Datu Saudi Ampatuan, Maguindanao Province. EEF
MAGUINDANAO. Mga IEDs ug sangkap sa paggama og bomba nga nakuha sa lugar nga gitagoan sa BIFF sa Barangay Kitango, Datu Saudi Ampatuan, Maguindanao Province. EEF

MAGUINDANAO PROVINCE -- Naigo sa sniper sa Bangsamoro Islamic Freedom Fighters (BIFF) ang usa ka sundalo hinungdan sa iyang kamatayon alas 10:45 sa buntag niadtong Biyernes.

Giila ang napatay nga si Sergeant Donald Devalid, sakop sa 1st Mechanized Infantry Battalion, Philippine Army.

Gibutyag ni 601st Brigade Commander Colonel Jose Narciso nga nagpatrolya ang mga sundalo sa Barangay Kitango, Datu Saudi Ampatuan sa nahisgutang probinsiya sa dihang ilang nakasugat ang mga miyembro sa BIFF, ilawom sa grupo ni Kumander Kagi Karialan hinungdan nga niulbo ang binakbakay.

Ang engkuwentro milungtad og usa ka oras hinungdan sa pagkakugang sa mga molupyo sa maong dapit.

Hinuon, niatras ang mga terorista pasulod sa SPMS Box sa diha nga gikanyon sila sa mga sundalo.

Apan patay si Devalid nga naigo dughan.

Narekober sa mga sundalo sa gitagoan sa mga kaaway ang daghang mga improvised explosive device (IEDs), mga gamit sa paggama og bomba, armas lakip na mga bala. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph