DISYEMBRE na gyud ug pipila na lang ka adlaw Pasko na. Daghang mga aktibidades nga haom para sa umaabot nga kasaulogan, daghang Christmas tree ang atong makita nga nagpalibot sa nagkadaiyang dapit.
Ang mga mall, hotel, plaza ug uban pang dapit napuno sa mga dayandayan sa Pasko.
Makapawala sa stress kon makita nimo kining tanan labi na dungangan sa mga Paskohanong kanta.
May mga pelikula usab tang makita samtang nag-angat pa ang Pasko apan mas gipaabot usab sa tanan ang mga pelikula sa Metro Manila Film Festival.
Daghan ang nagpaabot kon kinsa ang mahimong box-office sa takilya ug ang mga mahimong mananaug sa awards night, ay’g saba!
Kon sa opening day pa lang dako na kaayo og kita ang latest offering sa Star Cinema nga “Unbreakable” atong huwaton sa sunod pang mga semana kon mabarogan ba gyud niini ang box-office.
Nahimo diay nga guest silang Angelica Panganiban ug Bea Alonzo sa “Tonight with Boy Abunda” ug daghang giangkon ang duha. Una na niini ang ilang friendship. Ikaduha sa panahon nga wala sila kaayo magtagad, gisiguro usab nila nga wala sila mag-away.
Miangkon si Bea nga wala pa niya mapasaylo si Gerald Anderson ug dili tinood ang nanggawas nga tsika mahitungod nilang Jake Ejercito.
Dili tinood nga nanguyab kini kaniya, nagka-communicate lang sila sa social media ug kausa ra pod kini nahitabo. Mao nay pagklaro ni Bea, ay’g saba!
Kon nagsunod mo sa social media sa atong queen mother Karla Estrada, makita ninyo ang mga sweet moments nila sa usa ka non- showbiz guy.
Giangkon na mismo ni Karla nga may relasyon sila ni Jam Ignacio. Deserve man sab kini ni queen mother ug ang tanan nagsuporta sa lovelife ni Karla.
Daghan ang malipayon sa sitwasyon sa lovebirds sa “Magandang buhay” labi na ang mga friendship mismo ni Karla, ay’g saba!