SUPERBALITA CEBU

17-anyos asawa gisumbag, gikulata sa bana

BUN-OG ang naangkon sa usa ka 17 anyos nga babaye human sumbaga ug kulataha sa iyang kapuyo nga 22 anyos sa Barangay 3, lungsod sa Tuburan, Sugbo, niadtong Sabado sa gabii, Nobiyembre 30.

Si PSSgt.Joseph Dela Cerna, desk officer sa Tuburan Police Station, nga nahinabi sa Superbalita Cebu, niingon na alarmahan sa iyang kaubanan ang pagpangayo og tabang sa reklamante sa alas 6:50 sa gabii sa naasoy nga dapit.

Giila ni Dela Cerna ang suspek nga nadakpan pasado alas 7:00 na sa gabii sa samang adlaw nga si Mario Lumapas Cullamar, 22.

Ang kapuyo niining minor de edad giila lamang nga usa ka 'Dianne' (di tinuod ngan), 17, pulos molupyo sa Sityo Uwangan, Barangay Gimama-a, Tuburan.

Dugang ni Dela Cerna nga ang biktima nga si Dianne igo lang niapas sa iyang kapuyo aron mangayo og kwarta aron ipalit og tambal sa walo ka buwan nga masuso nga anak sa duha tungod kay gihubak.

Inay nga kwarta unta ang ihatag sa suspek nga maoy gipangayo ni Dianne aron ipalit og tambal alang sa ilang anak nga gihubak, mga kinumo ug kulata na hinuon ang iyang nadawat.

Matod ni Dela Cerna, nga bun-og ang naangkon sa biktima nga dali miadto sa balay tambalanan aron sa pagpakorasyon.

Desidido mopasaka og kaso si Dianne sa iyang kapuyo human sa insidente.

Samtang si Cullamar gibalhog na karon sa selda sa Tuburan Police Station.

Kasong Violence Against Women and their Children Act kun Republic Act 9262 ang atubangon ni Cullamar. Lakip ang physical injury ug posible pang madugangan og kaso kalabot na sa child abuse o kalapasan sa Akta Republika 7610. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph