SUPERBALITA CEBU

Lakers kaging sa Mavericks

NAGMANGTAS si Luka Doncic sa 2nd half aron pangulohan ang Dallas Mavericks sa pagpakgang sa kainit sa hosts Los Angeles Lakers pinaavgi sa 114-110 nga kadaugan kagahapon sa National Basketball Association (NBA).

Ang Slovenian star igo ra nga nakamugna og unom ka mga puntos sa nag-unang duha ka quarters apan human niini, kalit lang kining nagbangis ug nidugang kini og 21 puntos sa 2nd half.

Ning kombatiha, gipakita ni Doncic nga wala na siya’y kulba nga nakigduwa sa iyang idolo nga si Lakers forward LeBron James sukwahi sa miaging tuig nga tataw nga nangangha pa siya sa four-time MVP.

Si Doncic nakadugang sab og 10 ka assists ug siyam ka rebounds alang sa Mavericks, nga mao ang nakaputol sa 10 ka sunodsunod nga kadaugan sa Lakers.

Gikan sa 59-62 nga biya sa halftime, ang Mavericks ningmugna og 28-5 nga rally sa 3rd quarter pinangulohan ni Doncic aron kontrolahon og sugod ang duwa.

Ning maong makabungog nga rally sa Mavericks, si Doncic nakatampo og 16 puntos ug unom ka assists.

“It’s a great win that means a lot to us,” matod ni Doncic. “It shows that we can play against big teams, too. We just need to keep it rolling.”

Sa 4th quarter, komportable nang naglabaw ang Mavericks unya adunay higayon nga nakapasulod og step-back three-point shot si Doncic atubangan sa depensa ni James dayong tan-aw kang Mavericks legend Dirk Nowitzki, kinsa nagtan-aw sa courtside.

“He hit a couple of hellacious shots,” matod ni Dallas coach Rick Carlisle kabahin kang Doncic.

“There’s just a small handful of guys in the whole world that can hit them. LeBron James is one of them. He’s one of them. Those step-back 30-footers, it’s hard to describe how difficult the shot is, and how easy he makes it look.”

Ang Mavericks ningsaka sa 13-6 nga rekord samtang ang Lakers nahagbong sa 17-3 nga baraha. Si Delon Wright nidugang og 17 puntos alang sa Mavericks samtang ningtampo og 15 puntos matag usa sila si Kristaps Porzingis ug Dwight Powell.

Ang Lakers gipangulohan ni Anthony Davis pinaagi sa iyang 27 puntos samtang niamot og 25 puntos si James.

“It’s one game. We’re not going to get down over this loss. We know what type of team we are, we know now. We played well. And they beat us, but we beat ourselves with the rebounding, so we know what we’ve got to do better,” asoy ni Davis.

Sa laing mga duwa, ningdaog ang Miami Heat batok sa Brooklyn Nets, 109-106, Toronto Raptors batok Utah Jazz, 130-110, Boston Celtics batok New York Knicks, 113-104, Oklahoma City Thunder batok New Orleans Pelicans, 107-104, Memphis Grizzlies batok Minnesota Timberwolves, 115-107, Detriot Pistons batok San Antonio Spurs, 132-98, Orlando Magic batok Golden State Warriors, 100-96, ug Los Angeles Clippers batok Washington Wizards, 150-125. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph