SUPERBALITA CEBU

Tagming: “Manila,” Robert Seña nganong gisaway?

WA KO magtuo nga sa kanindot sa opening ceremony sa 30th SeaGames niadtong Sabado sawayon pa diay gihapon.

Sa tinuod, dili lang kausa kundi katulo gyud nako gibalikbalik og tan-aw ang opening ceremony sa telebisyon.

Una, sa live telecast sa ABS-CBN ug dayon ang replay sa S&A channel ug sa lain pang replay pagka-Dominggo sa gabii sa PTV.

Nitulo man gani akong luha kay sa dugayng panahon karon ra ko nakakitag balik og ingon ato kabaga sa crowd (around 50 million) sa mga Pinoy nga nanag-ambahan ug nagkahiusa. Di kalikayan nga bation ka usab og garbo isip Filipino.

Nakasabot ko sa punto ni Davao City Mayor Sara Duterte nga wa kauyon sa paggamit sa kanta sa Hotdog nga “Manila” atol sa opening ceremony. Apan wa man sad tay laing iconic nga kanta bahin sa Pilipinas nga sama ka-popular sa “Manila.”

Sige kuno pag-research mo kon duna bay sikat nga kanta bahin sa Pilipinas.

Alangan man sad og tukaran na nimo og “Bayan Ko” ni Freddie Aguilar o “Magellan” ni Yoyoy Villame. Mas “infectious” ug “very celebrating” ang “Manila.”

Basin wa mo kahibawo ang composer ug original nga nikanta sa “Manila” nga si anhing Rene Garcia mao usab ang arranger sa atong Festival Themesong nga Sinulog (Isyagit og Kusog).

Nganong kahibawo ko? Ang composer ug singer sa Sinulog nga si Dandin Ranillo ang nitug-an nako niini dihang ako siyang nahinabi.

Sige, unsa man diay untang kantaha ang dapat gamiton sa opening ceremony nga mabata o tiguwang pamilyar ang tanan?

Robert Seña

Duna say nanaway kon nganong si Robert Seña ang gipakanta sa “Kay Ganda ng Ating Musika” nga giusab ang lyrics ngadto sa “Kay Ganda ng Pilipinas.”

Pastilan hasta kana? Ako bilib kaayo ko pagkakanta ni Seña kay lisud baya nang kantaha tungod sa iyang breathing space.

Pero wa gyud moawop ang tingog ni Seña ug klaro kaayo niya pagkalitok labi na ang mga english nga linya nga pasok gihapon sa kumpas kay ang original lyrics ana tagalog gud.

Mao tong lihok kaayo siya aron makabuwelo siyag hangin. Kamo ba didto lalim ba. Maayo pa si VP Leni Robredo ug Jim Paredes kay naka-appreciate pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph