SA MANTUYONG, Mandaue City, si Jessie Tan nakatigbas sa iro sa iyang silingan. Napahak intawon ang ulo sa iro. Wala hinoon mamatay. Mi-reklamo ang tag-iya nga si Leziel Perez kay animal cruelty kuno. Sa dihang nag-atubang sila sa barangay kapitan, mi-angkon si Jessie nga iyang gitigbas ang iro kay wala kini hikti sa tag-iya ug gigukod ug hapit mapaaki ang iyang anak. Nagka-areglo ra hinuon sila. Kay sala man sab sa tag-iya sa iro. Irresponsible pet owner.
Apan ang maong isyo gisudlan ug gisakyan aning mga animal rights advocate group nga nagpakabana kunuhay sa proteksiyon sa mga kahayupan. Kining gitawag og Island Rescue Organization (IRO). Kay ila gyud nga ipakiha ang nakatigbas bisan kon nagka-settle na.
Ubos sa Animal Welfare Act of 1998 or (Republic Act 10631) ginadili ang pagpasakit labi pa ang pagpatay sa mga hayop nga walay igong hinungdan o rason.
Section 6; ‘It shall be unlawful for any person to torture any animal, to neglect to provide adequate care, sustenance or shelter, or maltreat any animal or to subject any dog or horse to dogfights or horsefights, kill or cause or procure to be tortured or deprived of adequate care, sustenance or shelter, or maltreat or use the same in research or experiments not expressly authorized by the Committee on Animal Welfare.’
The killing of any animal other than cattle pigs , goats, sheep, poultry, rabbits, carabaos, horses, deer, and crocodiles is likewise hereby declared unlawful except in the following instances;
Usa niini mao kining ikaupat nga paragraph nga nagkanayon:
4) When it is done to prevent an imminent danger to the life or limb of a human being; 5) When done for the purpose of animal population control; 6) When the animal is killed after it has been used in authorized research or experiments;
Aber, ikaw amahan. Namiligro imong anak, dili nimo tigbason ang iro? Unsa may imong palabihon, ang kinabuhi sa imong anak o sa hayop? Unya naa man sa exemption. Sa paragraph 4 sa unahan. Sa ato pa, justified ang pagtigbas uy. (bobbygnalzaro@gmail.com)