NAAKSIDENTE sa kilid sa kalsada ang usa ka lalaking suspek sa pagpangarnap dihang milikay sa checkpoint sa kapulisan sa lungsod sa Damulog, Bukidnon.
Gipagukod-gukod pa ni Jelo C. Ramoso, 18, construction worker, ug residente sa P-4, Poco-poco, Damulog, Bukidnon, ang mga pulis apan na overshot kini kilid sa kalsada, hinungdan nga ospital ang gipadulngan.
Sa inisyal nga imbestigasyon sa kapulisan sa Damulog Police Station, mi-report kanila ang Kadingilan Police Station human usa ka Jerry Requino, 28, residente sa dapit, ang gikarnap ang motorsiklo samtang gi-parking sa Poblacion sa Laguindingan.
Saktong ang Damulog Police Station kuyog ang personahe sa 103rd Manuever Company, Regional Mobile Force Battalion 10 nagpahigayon og checkpoint sa P-8, Poblacion, Damulog, Bukidnon ilang namatikdan ug giatangan ang suspek basi sa deskripsyon.
Apan, mitipas kini ug mibalik sa agi dihang namatikdan niini ang presensya sa kapulisan.
Sa pag-gukod sa kapulisan niini, na overshot ug nahulog sa kilid ang suspek, hinungdan naaksidente.
Gidala ug gipatambalan sa balay tambalanan sa dapit, apan panahon makagawas sa prisuhan ang padulngan human gitakdang pasakaan kini og kasong carnapping.