Seguridad unahon una ang pagkuha'g video

CAGAYAN DE ORO. Si Philippine National Police officer-in-charge Police Lieutenant General Archie Francisco Gamboa ni-award sa "Medalya ng Katapangan" ngadto sa hero cop nga si Police Senior Master Sergeant Jason Magno, kinsa nisakripisyo sa kaugalingon aron maluwas ang inosenteng sibilyan atol sa insidente sa Initao, Misamis Oriental. (Hulagway gikan sa PNP)
CAGAYAN DE ORO. Si Philippine National Police officer-in-charge Police Lieutenant General Archie Francisco Gamboa ni-award sa "Medalya ng Katapangan" ngadto sa hero cop nga si Police Senior Master Sergeant Jason Magno, kinsa nisakripisyo sa kaugalingon aron maluwas ang inosenteng sibilyan atol sa insidente sa Initao, Misamis Oriental. (Hulagway gikan sa PNP)

NAGHANGYO ang kapulisan sa katawhan, ilabi na sa mga batan-on ug mga estudyante, nga unahon ang seguridad kaysa pagkuha og hulagway o video atol sa mga insidente.

Kini human sa nahitabong pagbusikad sa granada niadtong nilabay nga adlaw sa Initao, Misamis Oriental nga gikamatay ni Police Senior Master Sergeant Jason Magno ug Ibrahim Basher diin ubay-ubay ang mga estudyante nga samaran atol sa panghitabo.

Sa pakighinabi kang City Director Police Colonel Henry Dampal, gibutyag niini nga daghan nga mga drills ang gihimo sa kapulisan sa mga tunghaan sa Cagayan de Oro sa susama niini nga mga senaryo. Apan nagpahinumdon nga kung simbako dunay susama nga sitwasiyon kinahanglan nga mopalayo.

Gidugang pa nga itugyan sa mga otoridad ang pagpakalma sa sitwasyon aron dili makahatag pa og dugang.

"If possible, dili ta modulo. Atong ihatag sa atong kapulisan kay duna man tay crisis management. Ipa-handle nato sa atong authority para nga ma-contain, ma-isolate nga dili na siya maghatag pa og kadaot," matud ni Dampal.

Gipahimangnoan usab ang kabatan-onan ilabi na sa panahon karon nga grabe ang impluwensiya sa social media ug hilig kaayo nga maki-usyuso ang kabatan-onan nga makalimtan na sa pag-una ang seguridad.

"Labi na karon ang atong batan-on uso kaayo mag-cover og dunay insidente, if possible atong malikayan ni siya, noh. Kung dunay susama ato nga panghitabo, ato gyud i-isolate, atong ipalikay nato ang atong mga estudyante," dugang pa.

Nanghinaot usab kini nga wala’y susama nga insidente ang mahitabo sa siyudad ilabi na nga padayon usab ang ilang hugot nga koordinasiyon sa mga tunghaan kabahin na niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph