SAN FERNANDO, Pampanga - Ang pambato sa Davao City, Jezebel Morcillo miluwas sa adlaw sa Philippines’ women’s arnis team, human miangkon og gold sa 30th Southeast Asian (SEA) Games sa Angeles University Foundation (AUF) sa Angeles City, Dominggo sa gabii, Disyembre 1.
Ang 24-anyos nga 2018 Philippine National Games (PNG) 2018 champion miangkon sa unanimous decision nga kadaugan kontra Nguyen Thi Huong sa Vietnam sa women’s 50 kilograms (kg) live stick championship match.
“Wala jud ko kasabot sa akong gibati Mam mix emotion kaayo ko. Nalipay kaayo dako kay nakuha nako akong goal ug naa koy naiambag sa Pilipinas. Nahimo nako akong mission para sa bansa, pero naguol pud ko sa akong mga kauban nga nangapildi,” niya sa pakighinabi sa Sun.Star Davao.
Niya naningkamot siya nga makakuha og gold, ug wa magdahum nga modaug.
“Galutang pa akong huna-huna karon,” dugang niya.
Sa iyang first match, iyang gihuna-huna nga angay siyang modaug human ang men’s team sa Pinas nanglampurnas sa ilang duwa, ug siya ra ang nag-inusarang babaye nga motigi.
Niya, buot niyang modaug aron sab madasig ang uban niyang kaubanan.
Apan tungod napildi ang iyang teammates sa preliminary games, mas determinado ang Dabawenya nga makaangkon og kadaugan.
Gihalad niya ang kadaugan sa iyang pamilya nga nagsilbi niyang inspirasyon ug kadasig.
Si Morcillo ikalima sa unom ka magsuon ni Jolly, nga nagtikad og bugas ug mais sa Sultan Kudarat, ug Teresita, nga usa ka housewife.
Niya, ang kanhi kompanya asa siya kanhi nagtrabaho, pabiling bukas sa iyang pagbalik.
Apan ni Morcillo, i-eksplor niya ang kaugalingon sa daghan pang oportunidad isip national athlete ug preparasyon sa umaabot pang kompetisyon.