NAG-unang developer sa Visayas-Mindanao, Cebu Landmasters Inc. (CLI), nipalapad ug nipalig-on sa iyang presensiya sa Western Visayas uban sa pag-ugmad sa P1.5 billion residential condominium project sa high-visibility retail spaces sa premyadong dapit sa Iloilo City.
Ang CLI nakigsabot tali sa magpapatigayong si Alfonso Tan, chairman sa International Builders Corporation (IBC), alang sa high-rise residential tower sa prime corner lot sa city’s downtown area.
Ang CLI manag-iya sa 50% sa residential development ug modumala sa development.
Ang IBC, kinsa nitukod sa GT Town Center Mall sa Pavia, mopalambo sa downtown mall nga mosumpay sa residential tower.
Ang tower maoy unang condo sa highly accessible nga downtown area.
Si CLI chief executive officer Jose Soberano III nibutyag: “We are very proud to forge this partnership with Mr. Alfonso Tan and his family. He has established IBC as the leading construction firm in the region, and both our homegrown companies are motivated by the opportunity to contribute further to Iloilo’s exceptional growth.”
Ang proyekto giplano nga mahuman sulod sa upat ka tuig.
Sa samang panahon, ang CLI motukod og dul-an sa 1200 units sa iyang top-selling economic house ug lot Casa Mira Iloilo sa 14-hectare lot sa Jaro.
Ang proyekto bugtong gipanag-iya sa CLI ug ang pag-ugmad sa yuta nagsugod sa pagkakaron.
Ang Cebu Landmasters nga natukod sulod sa duha ka sekda pinaagi sa pagtanyag og housing sa iyang mga kawani sa Sugbo, duna nay siyam ka mga proyekto sa VisMin cities gawas sa Cebu City.
Gikan sa employee housing, nahimo nang residential condominium living sa nag-unang mga dapit sa Cebu City, Cagayan de Oro ug Davao City.
Ang CLI dunay halapad nga housing brands gikan sa starter homes sa economic segment ngadto sa residential condominiums sa mid-market ug top-end residential units. (PR)