SUPERBALITA CEBU

Gullas, pulis mipakaon sa mga batang anak sa mga durugista

MGA anak niadtong giila nga drug users sa Barangay Tanke, ang gipaka-on sa Talisay City Police diin si City Mayor Gerald Anthony Gullas Jr. maoy ni-sponsor.

Kini dungan na usab sa pagsaulog ni Gullas sa iyang ika-35 nga birthday diin ang 100 ka mga bata diha sa Tanke ang ilang gilingaw, niadtong Sabado, Nobyembre 30. Kasaulogan sa adlawng natawhan ni Gullas niadtong Disyembre 1.

Kahinumduman nga niadtong Nobyembre 13 ning tuiga gilusad sa Talisay City Police Station ang Police and Partner Acts of Kindness for the Children of Talisay (PACT).

Diin matag Sabado, nagkalainlaing kompanya o indibidwal nga buot makatabang ang moabaga alang sa feeding program alang sa mga anak niadtong nadakpan, o nalambigit sa ilegal nga drugas.

Ang kapulisan na ang nihimo usab sa ilang sinemana nga pagtudlo sa kabataan kalabot sa ilang proper hygiene, ang pag-awhag kanila sa pagtungha, mamahimo nga maayong Talisaynon, ug ilabi na ang paglikay sa ginadili nga drugas.

Gawas sa presensya ni mayor Gullas, lakip sa nitambong sa proyekto ang Cebu Provincial Police Office Director, Col. Ricky Mariano.

“I believe all of you know the image Barangay Tangke had before. Illegal drugs still continue to plague the area, but ever since there was a precinct for the police in the Barangay, drugs reportedly has decreased significantly in the area. Our job is to remind the children that they are the future of this country and they need to be the partner of our government when it comes to the war on drugs,” asoy ni Major Gerard Ace Pelare, ang hepe sa siyudad sa Talisay. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph