Sikyu naunay sa armas

GUWARDIYA nadala sa tambalanan human ma-unay sa iyang armas sa dihang sikupon unta ang matod pa mga kawatan nga misud sa gibantayan nga establisemento.

Nakaangkon og samad pinusilan sa iyang tuo nga tiil si Joveniel Hawom, 28 anyos nga lumad taga Zamboanga del Sur, security guard sa Auto MazoSurplus diha sa sitio Sawsawan, Barangay San Roque, dakabyan sa Talisay. Nahitabo ang insedente ala 1:04 Lunes sa kaadlawon, Disyembre 2.

Sa gihimo nga pakisusi sa kapulisan sa dakbayan sa Talisay, gitug-an ni Major Gerald Ace Pelare, hepe sa TCPS, nga nakadawat sila og alarm sa shooting incident, human usab nangayo og pakitabang si Hawom.

Matud ni Hawom ngadto sa mga pulis nga nagpahigayon siya og roving sa gibatanyan nga establisemento sa dihang nabantayan niini nga adunay mga tawo nga misulod sa buhatan.

Hinungdan nga hinay-hinay unta siya nga nipadu-ol aron pagsikop sa gidudahan niyang mga kawatan.

Apan giingon nga sa iyang paghinay-hinay nga dili mamatikdan ang shotgun nga iyang gibitbit naigo na hinuon sa iyang tuhod hinungdan nga kalit nibuto nga tumong sa iyang tuo nga tiil.

Ang mga lalaki nga iyang gihulagway nga mga kawatan dali usab nga nidagan palayo sa establisemento sa pagtuo nga sila ang gipusil.

Dali nga gidala sa tambalanan si Hawom samtang gipasurender ang iyang armas sa kapulisan alang pa sa himuong dugang pakisusi ilabi na aron pagtino sa pangangkon niini.

Anaa ra hinuon sa luwas nga kahimtang ang guwardiya. (BBT, FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph