MIKATAP karon sa social media ang hulagway sa giingong mga suspek nga managit og mga bata gawas sa tunghaan.
Adunay usa kanila nga niangkon nga manguha silag mga bata.
Ang video giingong didto nahitabo sa kaulohan, diin usa sa mga dinakpan nitug-an nga di lang siya ang manguhag bata, kon di aduna siyay mga kauban.
Giangkon ni Police Colonel Giovanie Maines, officer-in-charge sa Cebu City Police Office nga nakakita na siya sa post sa social media nga nahitabo sa kaulohan apan, wa pa siya makadawat og report nga naabot na kini sa Sugbo.
Iyang gidugang nga di angay nga mahadlok ang mga ginikanan labot sa report tungod kay wa pay bisan usa nga nabiktima niini dinhi sa siyudad ug probinsya sa Sugbo. (AYB)