Jose Lebumfacil Tomarong
102-T B. Rodriguez St., Sambag 2, Cebu City
Gibugtaw ko ang lintunganayng kahulogan
Sa langit ning balaknong kahulogan
Sa mga pako sa timgas kong mga luha
Ug ang balaknong agi sa timgas kong
Mga luha, mga balak ko, halad ko
Kang Bathala. Ug gidawat ni Bathala.
Ug ang katimgas sa mga luha gilaw niini
Nahimong sidlak sa katahom sa awit
Ug mga balak — mga bituon nga wala
Nay pagkapalong ug pagkatagak.
Ug ang pahiyom sa akong paraiso
Kalipay nga ning akong panagway karon
Haruhay nga mibathay tungod
Sa langitnong gugmang may pagkatunhay.