DAKPAN sa kapolisan ang duha ka mga sakop sa media human nag-atubang og kasong libel sa Gingoog City, Misamis Oriental.
Si Police Lieutenant Colonel Ariel Phillip Pontillas, hepe sa Gingoog City Police Station, miila sa mga dinakpan nga mao sila si Jonas U. Bustamante, 46, minyo, lumad nga taga Zone 9, Barra, lungsod sa Opol, Misamis Oriental, ug Eduardo O. Bacasnot, 48, taga Purok 1, Ragasajo Street, Barangay 22-A, Gingoog City, Misamis Oriental.
Ang operasyon gihimo pinasikad sa warrant of arrest nga upat ka ihap nga naka doket sa ubos sa criminal case 2019-7765 to 2019-7768 kon asa dunay piyansa nga girekomendar nga P30,000 matag ihao nga giisyu ni Giovanni Alfred H. Navarro, presiding judge sa Regional Trial Court-10 Branch 27 sa siyudad sa Gingoog City.
Gikostudya na sa buhatan ang mga dinakpan.
Gikumpirmar ni Pontillas nga ang complainant sa kaso sa duha mao si kanhi Misamis Oriental 1st District ug kasamtangan Bise Mayor Congressman Peter Unabia.