SUPERBALITA CAGAYAN DE ORO

6 barangay sa Misamis Oriental gitunolan og P300,000 tseke alang sa proyekto

UNOM ka mga barangay gikan sa nagkalain-laing lungsod ang gitunolan og tseke dungan sa pagpakayab sa nasusnong bandila niaging semana ug niadtong adlawng Lunes, Disyembre 2, sa hawanan sa Kapitolyo Probinsyal.

Kini gipangunahan ni Misamis Oriental Governor Bambi Emano subay sa ilang programa nga Barangay Empowerment Program.

Ang Barangay Rosario sa lungsod sa Balingasag nakadawat og P900,000 alang sa konstruksyon sa phase 1 sa covered court, samtang ang lima ka mga barangay nakadawat og tag P300,000 alang sa nagkadaiyang proyekto.

Ang Barangay Tinagaan Salay magtukod ning maong kantidad og water system.

Pagkonkreto sab alang sa farm-to-market road ug road project ang himoun sa Barangay Pangpangon, Talisayan ug Barangay Kauswagan sa lungsod sa Lagonglong.

Ang Barangay Linangkayan, Naawan magtukod sab og open canal ug ang Barangay Kaluknayan, Lugait mao ang katukoran sa Senior Citizen building.

Gibutyag ni Emano nga ang mga kapitan maoy gadoul kaniya labina adlawng Lunes sa People's Day ug magpresentar sa ilang mga proyekto ug ila kining hatagan og pundo aron ang mga barangay na maoy moimplementar niini.

Dugang ni Emano nga last term na niya sa serbisyo ug aduna na lamang 947 ka adlaw ug daw dili kini niya sayangon ug bangay bangayon.

"Nine hundred forty-seven na lang ang adlaw nga nabilin sa gihatag nga katulong kahigayonan nganha sa katawhan kanato diha sa pagpangalagad. Tungod kay inihap kini nga adlaw, inihap pod ang atong pag implementar og proyekto. Kanang makit-an ko na nga numero makapapukaw kanako nga ayaw gyod pagbangay-bangay kay gadagan ang oras, gadagan ang minuto sa imong adlaw sa pagserbisyo sa katawhan," matud ni Emano.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph