Symphony of Lights sa Gaston Park gidagsa

CAGAYAN DE ORO. Gidagsa sa Kagay-anon ang pagbukas sa "Symphony of Lights" niadtong Disyembre 2, 2019 sa Gaston park, sa siyudad sa Cagayan de Oro. (Kris C. Sialana)
CAGAYAN DE ORO. Gidagsa sa Kagay-anon ang pagbukas sa "Symphony of Lights" niadtong Disyembre 2, 2019 sa Gaston park, sa siyudad sa Cagayan de Oro. (Kris C. Sialana)

GIDAGSA sa Kagay-anon ang pagbukas sa "Symphony of Lights" niadtong Disyembre 2, 2019 sa Gaston Park sa siyudad sa Cagayan de Oro.

Sukwahi sa nanglabay nga katuigan, pinasahi kini karong tuiga tungod kay diha sa Gaston Park gibutang ang Symphony of Lights nga niani og pagdayeg.

Gibutyag ni Mayor Oscar Moreno nga nagsugod ang dekada nga niadtong 2011 nakasinati og dakong kalamidad ang siyudad nga nagdala og dakong damyos ug kasub-anan sa katawhan sa dakbayan, ug ning pagtapos sa dekada, nakabangon ang dakbayan.

"Now, as we are about to end this decade, I want you to know nga we are ending this decade on a high note. Kalooy sa Ginoo, ang Cagayan de Oro over the last six years naa sa top 10 sa most competitive highly urbanized city," matud ni Moreno.

Gidugang pa niini nga ang mga award nga nadawatan sa siyudad nagdala og kalamboan dili lamang sa dakbayan apan sa tibuok rehiyon, diin padayong makabenepisyo usab niini ang siyudad.

"What that means is Cagayan de Oro has the grown of leadership dinhi sa tibuok rehiyon to bring Northern Mindanao to greater heights. As Northern Mindanao grows, Cagayan de Oro also benefits from that tremendously," dugang ni Moreno.

Samtang mas gidayeg sa katawhan nga gipahimutang kini sa Gaston park tungod kay luag ug mas nindot nga tan-awon.

"Mas ganahan ko karon sa mga lights na gibutang sa kahoy kay mas tsada gyud siya tan-awon," pahayag ni Editha Regodos.

Bukas kini matag gabii hangtod sunod tuig sa Enero 1, 2020 ug ibalik usa ka semana ayha mag Chinese New Year.

Nasayran nga ginahimo ang Symphony of Lights sulod na sa tulo ka tuig.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph