MANILA -- Ang bagyong “Tisoy”, nga nag-landfall sa Marinduque mga alas 8:30 a.m. Martes, Disyembre 3, wa gipalampas ang nagpadayong 30th Southeast Asian (SEA) Games, diin pipila ka aktibidad ug duwa ang nadelatar ug gisibog ngadto alas dose sa udto tungod sa grabeng pag-ulan ug kusog nga hangin.
Sa Philippine Atmospheric, Geophysical and Astronomical Services Administration (Pagasa) 11 a.m. advisory, padayong kusog nga ulan ang lauman sa Romblon, Marinduque, Mindoro Province, Calabarzon, Metro Manila, Bataan, Pampanga ug Bulacan.
Si Tisoy may gikusgong 150 kilometer per hour (kph) ug paghuyop sa hangin nga 250 kph.
Walay duwang tennis ang gihimo sa Rizal Memorial Tennis Center sa Manila as of 12 noon tungod sa grabeng ulan.
Ang Metro Manila anaa ilawom sa signal No. 2.
Si Philippine women’s No. 2 Shaira Hope Rivera, nga nagduwa kaniadto sa Sta. Ana National High School ug sa Davao City, naka-iskedyul unta nga moduwa sa women’s doubles uban si Marian Jade Capadocia sa alas 10 a.m..
“Hindi po matutuloy ang games kasi ulan po,” suma sa 20-anyos nga Ateneo de Manila University AB Literature English sophomore sa SunStar Davao.
Si SEA Games tennis competition manager Chris Cuarto, sa iyang kabahin sa phone interview, nagdugang nga giobserbahan pa sab nila ang klima.
“We are still here. We have not advised any cancellation yet. We are still waiting it out. No matches have been played (so far),” ni Cuarto.
Apektadong duwa
Ang Philippine SEA Games Organizing Committee (Phisgoc), sa ilang advisory, “We respectfully report on some changes in the schedules of sports competitions of the 30th SEA Games due to the landfall of Typhoon “Tisoy” in the country.”
Ang Phisgoc nagyagyag sa mga suspendido ug gikanselang duwa, as of 11 a.m. Disyembre 3.
Sa Subic Cluster, ang beach volleyball games nga iskedyul sa Disyembre 2 ug 3; canoe-kayak races nausab sa December 6 ngadto 8 gikan December 3 ug 4; Muay Thai competition gikan December 3 gisibog kini sa Disyembre 4-8; sailing ug windsurfing, nga magsugod Disyembre 2 sugdan sa Disyembre 5; modern pentathlon nga himuon sa Disyembre 4 himuon na sa Disyembre 5; ug surfing mag-resume sa December 4.
Sa Southern Luzon Cluster, ang underwater hockey tapuson una 3 p.m. sa December 3; skateboard ang na-postponed; December 3 polo matches nakansela sa Metro Manila, E-Sports training schedule sa December 3 ang kanselado.
Ang isports nga magpadayon as of 10 a.m. sa December 3 mao ang: Southern Luzon Cluster - cycling, indoor hockey and netball; Metro Manila Cluster - floorball, badminton, fencing, football, gymnastics, weightlifting, wushu and volleyball; Clark Cluster - rugby 7s, archery, arnis, athletics, wrestling, kurash, baseball, softball, lawnbals, dancesport ug water polo.
Kaluwasan
Sa pahayag sa Phisgoc, “We are prepared to take the necessary precautionary measures to secure the safety of all our guests and athletes. Trust that we have storm-proofed the Games, with several alternate plans queued to ensure that this biennial meet doesn't go beyond its scheduled finish on December 11.”
Si Phisgoc chief operating officer Ramon Suzara, sa press conference, November 29, nagsulti nga ang competition managers andam sa bagyo.
“We are ready for this. We will brace the storm. All competition managers have prepared a contingency plan. Everything is in place especially for the outdoor sports,” ni Suzara.