DI IKALIMOD ang wala ug tuo nga balita labot aksidente sa dalan. Kung di tungod sa failure sa sakyanan, usahay sa drayber sab ang problema.
Dinhi, mas gilig-on sa Ford Philippines ang ilang kampanya sa luwas nga pagmaneho.
Ning tuig, subli nilang gibitbit dinhi ang Driving for Skills for Life (DFSL) Program nga nagtumong sa pag-edukar sa daghang draybers nga mahimong mas responsable sa kalsada.
Disyembre 3, kapin 200 ka partisipante ang misalmot sa DFSL program sa Home Crest Hotel, Ecoland Drive, dakbayan sa Davao.
Duha ka hugna ang training session nga may nagsugod og alas 9 a.m. ug 1 p.m.
Human sa classroom session, hatagan og higayon ang mga partisipante nga hands-on sa ilang nasabtan subay sa training.
“The automotive company first brought its safe driving training program in Davao in 2017, and since then, DFSL has trained over 400 private ang utility drivers, student drivers, and traffic and road management personnel,” suma ni EJ Francisco, AVP, Communications sa Ford Philippines atol sa media briefing, Lunes, Disyembre 2.
Luyo sa luwas nga pagmaneho, mga partisipante tudluan sab paunsa nga makadaginot og gas.
Karon nga tuig nakigpartner ang kompanya sa mga taxi, bus ug transport network vehicle services, unibersidad sa Davao aron mas halapad ang pagpasabot sa road safety, sila man drayber o komyuter lang.
“DSFL participants can expect to learn more about the dangers of distracted driving and drunk driving, as well as tips and techniques in driving under special conditions, like maulan, etc,” dugang ni Francisco.
ANg DSFL anaa na sa ika-12 ka tuig dinhi sa Pilipinas diin, miabot na’s 23,000 ka mga Pinoy draybers ang natudluan.
Suma pa parte sab kini sa corporate social responsibility programs nila nga ibansiwag ang adbokasiya sa road safety.