MAWAB, Comval Province -- Sikop ang usa ka babaye nga gituohang aktibo nga miyembro sa New People's Army (NPA) human gibulgar sa kapuyo sa iyang bana.
Giingong love triangle ang hinungdan sa pagkasikop sa amazona nga si alyas Venus suma sa taho sa Philippine Army's 71st Infantry Battalion.
Gisikop ang suspek atubangan sa Davao Regional Medical Center sa Tagum City niadtong Miyerkules human gibutyag sa kapuyo sa iyang bana kung hain kini nagtago ug unsay pagkatawo niini.
Gibutyag nga miyembro ang suspek sa Guerilla Front 2 (WGF2) kinsa nasikop human dunay standing warrant of arrest ug ang bana niini nga giisyu ni 11th Judicial Region, RTC Branch 3, sa Nabunturan sa kasong serious illegal detention sa tuig 2014.
Si Venus, legal wife sa NPA commander nga si Jury Escasinas alyas Jupiter, nga maoy midala sa Milisya ng Bayan Cluster Command sa WGF2.
“We will continue to carry out similar tasks of enforcing the law of the land in our area of operation,” ingon ni 71st IB commanding officer, Lieutenant Colonel Esteveyn Ducusin.
Ang bana sa suspek wala nasikop kinsa padayong gipangita sa kapulisan subay sa kaso niining serious illegal detention. (Jeepy P. Compio)