SUPERBALITA DAVAO

Barangay kagawad sa Tagum City gipusil

TAGUM CITY. Ang crime scene nga gikordon sa kapulisan. (Hulagway gipaambit sa Tagum City PNP)

ANAA sa talandugong kahimtang sud sa ospital ang usa ka barangay kagawad human pusila sa wala mailhing mamumuno alas 7:20 sa buntag Martes, Disyembre 3, sa Barangay Magugpo South, Tagum City.

Ang biktima nailhang si Ananias Antipas Brobo, 53-anyos, minyo, kagawad sa Barangay Magugpo South ug residente sa Purok Orange, Valley sa maong barangay.

Migula sa imbestigasyon sa kapulisan nga sakay ang biktima sa motorsiklo padung sa Barangay Magugpo South apan gitaparan kini sa mamumuno nga naka-motor dayon gipusil.

Wala naintimano ang biktima kinsa nakapadagan pa sa iyang motorsiklo padung sa mga tawo sa dapit ug nagpatabang nga dalhon siya sa Davao Regional Medical Center.

Sa crime scene, upat ka mga bala sa kalibre .45 nga pistola ang narekober sa kapulisan.

Blangko pa ang kapulisan sa tinuod nga motibo sa krimen apan nagduda sila nga personal kini nga bangi.

Ning kasamtangan, padayong nagpaalim sa ospital ang biktima samtang ang Tagum City PNP mihimo og makuting imbestigasyon sa kaso. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph