‘Pusher’ angol sa buy-bust

GIKATAHAPANG drug pusher samdan human nisukol sa buy-bust operation niadtong Miyerkules sa gabii sa Sitio Ipil-Ipil, Brgy. Brgy. Dumlog, Dakbayan sa Toledo.

Si Regie Tagunon, 33, dunay kapuyo, construction worker (HVI), samdan sa tuong paa human mapusili sa usa ka pulis.

Si Police Master Sgt. Bombino Enrigues, sa Toledo Police Station nga nahinabi sa Superbalita Cebu, nagkanayon nga dihang nipalit ang ilang mga kauban og usa ka pakite sa gituohang shabu kang Tagunon, nakabantay ang suspek nga pulis ang gika-transact

Nibunot sa kini sa kalibre .45 nga pistola, apan naunhan siya sa usa sa mga pulis ug naigo siya sa paa.

Nakuha sa kapulisan ang armas, buy-bust money, drugas nga 5.5 grams nga mobalor og P37,400 base sa Dangerous Drugs Board (DDB) value.

Samtang managkaluha nga gikatahapang pusher nasikop sa miaging hapon sa Brgy. Bato, Dakbayan sa Toledo.

Gipusasan si Arnel Basellote, 20, dunay kapuyo ingon iyang kaluha nga si Danny.

Nakuhaan silag og 0.55 grams nga shabu nga balor og P3,749.00 base sa DDB value.

Laing nasikop niadtong Miyerkules sa hapon giilang si Jeward Tariao, Jr., 26, taga Brgy. Lupa, lungsod sa Compostela.

Si Police Captain Vincent Zozobrado, hepe sa Compostela police, nagkanayon nga si Tariao, nakuhaan nilag 0.8 gramos nga shabu nga mobalor og P5,400. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph