TUNGOD sa International Inter-Agency Cooperation nga gihimo tali sa Indonesia ug Pilipinas, magtinabangay ang duha ka mga nasod sa seguridad sa maritime jurisdiction sa duha ingon man sa Maritime Law Enforcement.
Mismo si Philippine Coast Guard Vice Admiral Joel Garcia, commandant sa PCG ug ang direktor sa Indonesian Maritime Security Agency o BAKAMLA, Commodore Samuel Kawaas, nagtagbo sa Sugbo aron mamahimong pormal na ang kasabutan tali sa duha ka maritime agency.
Subay niini, ang PCG ug ang BAKAMLA mohimo og Inter-Agency Collaborative/Coordinated nga guidelines sa paggama sa Implementing Rules and Regulations (IRR) alang sa umaabot nga joint activities sa duha ka mga nasod.
Ang duha nga nibisita sa Sugbo, Martes, Disyembre 3, diin gi-tour usab ang monitoring capability facility sa PCG Central Visayas.
Lakip nga gibisita sa mga opisyal ang National Coast Watch system ug Vessel Traffic Monitoring System sa Coast Guard District Central Visayas.
Ang partnership usa sa labing dako nga partnership tali sa Indonesian Government ug sa Pilipinas. (HBL)