SUPERBALITA CEBU

Pito ka mga pulis gipangtaktak

PITO ka mga pulis nga nag-atubang og mga kasong administratiba gitaktak na sa serbisyo human wa na moapelar sa ilang kaso sa Police Regional Office 7 (PRO) 7.

Ang ilang mga kaso nga giduso sa buhatan ni Police Brigadier General Valeriano de Leon nga girekomendar sa Regional Investigation and Detective Management Division nga taktakon sa serbisyo tungod sa grave offense.

Gipadalhan pag impormasyon ang unom ka mga pulis apan wala gihapon moapelar.

Ang mga pulis giila sa PRO 7 nga mao sila si Police Master Sergeant Jerry Macabudbud, sakop sa Bohol Provincial Police Office; Corporal Raymonito Panoh Mesa sa Cebu City Police Office ug lima ka mga pulis nga nag ranggo og patrolman nga silang Joseph Sala Tabotabo sa CCPO; Frances Dinglasa Maucesa sa CCPO; Edmund Barry Tabar Pizarra sa Mandaue City Police Office; Castor Garcia ug Jobie Antipolo, pulos taga CCPO.

Ang pito ka mga pulis kanhi nadestino sa Regional Personnel Holding and Accounting unit sa PRO-7 samtang nag-atubang silag kasong administratiba.

“They failed or maybe they don’t intend to appeal anymore their administrative case after repeated notices to do so. So, I signed their dismissal papers from the service last week,” matod ni De Leon.

Tungod sa maong desisyon, ang tanang benepisyo sa unom ka mga pulis gikansilar na.

Dugang ni De Leon nga sa iyang paglingkod isip hepe sa PRO 7, di niya dapigan ang mga pulis nga nakalapas sa balaod.

“I will not think twice to sign your dismissal order if you are found guilty or you continue your illegal activities such as drugs and other criminal acts. Policemen like you have no place in the organization,” dugang ni De Leon.

Si Police Brigadier General Ildebrande Usana, deputy regional director for administration sa PRO 7, nagkanayon nga ang maong mga pulis nag- atubang sa maong kaso panahon pa ni Police Brigadier General Debold Sinas.

Leksyon kini sa tanang pulis sa Central Visayas nga kon makahimo kinig kasaypanan, di magduha-duha ang Philippine National Police (PNP) organization sa pagtaktak kanila sa serbisyo.

Wa hinuon giklaro sa police officials kon unsa nga mga kalapasan ang nahimo sa mga pulis.

Nasakpan sa tigbakay

Samtang nag-atubang na usab og kasong administratiba ang usa ka pulis nga nagranggo pag staff sergeant nga nadestino sa Parian Police Station human masakpi nga nanugal sa usa ka tigbakayan nga naa nahimutang sa dalan Carlock, Siyudad sa Sugbo. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph