SUPERBALITA CAGAYAN DE ORO

21 ka mga kandidata sa Miss Kuyamis 2020 gipresenta na

LAING hugna na usab sa mga maanyag ug mga intelehente ug pang national nga awra ang gitakdang mag-ilog sa titulong Miss Kuyamis 2020.

Adlawng Lunes dungan sa pagpakayab sa nasudnong bandila sa Kapitolyo Probinsyal gipaila ang 21 ka mga kandidata gikan sa nagkadaiyang lungsod sa pagpanguna ni Governor Bambi Emano ug Provincial Tourism head Jeffrey Saclot.

Ning tuig misalmot na ang siyudad sa Gingoog ug lungsod sa Claveria nga kaniadto wala makalakip.

Ang lungsod sa Tagoloan, Kinoguitan ug Libertad ang walay gipadala nga kandidata human giingong galisod sa pundo.

Ang mga mosunod nga kandidata gilangkoban nila ni.

1. Sean Mary Temple (Jasaan); 2. Yanesse Culamat (Binuangan); 3. Kristy Louise Marquino (Lagonglong); 4. Sheena Balansag (Talisayan); 5. Jeramie Mingo (Naawan); 6. Alianah Jean Tumapon (Manticao); 7. Danielle Arceo (Balingasag); 8. Samantha Pauline Feranil (Gingoog City); 9. Kyanns Zyra Awitin (Sugbongcogon); 10. Bethel Amor Bullecer (Salay); 11. Angel Talo (Medina); 12. Jennifer Puno (Claveria); 13. Kristine Angel Colaste (Villanueva); 14. Esel Mae Pabillaran (Lugait); 15. Briza Louise Ratilla (Magsaysay); 16. Irish Claire Daug (El Salvador City); 17. Veronica Yvette Valdez (Alubijid); 18. Fritzie Jean Naelga (Balingoan); 19. Rechelle Mar Jabunan (Laguindingan); 20. Crislyn Rose Acain (Initao) ug 21. Isobel Teano (Opol).

Aminado si abogado Saclot nga mga strong contender ang mga kandidata karon nga misalmot ug iyang gikalipay nga gakaanam og kadaghan ang milakip sa kompetisyon.

“We are very much happy because as the years go by ga increase ang number sa Miss Kuyamis, sa 1st we only have 16,” butyag niini.

Maghulat sab og mas dako nga premyo sa mananaog karon nga tuig ug ang coronation night ipahigayon sa El Salvador City Gymnasium.

Sulod sa reign sa mananaog daghan oportunidad ang mobukas niini.

“For the whole year during sa iyang reign, grabe ang iyang perks nga madawat because she will serves as the next tourism ambassador sa MisOr, her rule is to promote the province of MisOr and that highlight of which is for her to be able to grab the opportunity of representing MisOr in national pageant,” dugang ni Saclot.

Gibutyag sab niini nga samtang gihuptan sa kandidata ang korona kung unsa ang salmotan niini sa national competition, suportahan kini ni Governor Emano.

“If the governor sends a participant sa national pageant grabe na siya ka secure kay we will be shouldering all the expenses...we will provide her everything that she needs in the national pageant,” matud niini.

Dugang sab niini nga mas naila ang Misamis Oriental gumikan kay ang mga midaog sa Miss Kuyamis naila ngadto sa national competition human miharbat og mga tag as nga titulo.

Saman ni Berjayneth Chee midaog isip Miss Earth Water Philippines tuig 2018; First Runner Up sa Miss Earth Philippines 2019 si Ana Monica Tan, 1st Runner Up si Danna Rose Socauco sa Miss Millennial Philippines ug finalists si Chela Falconer ning tuig.

“Nagpamatood lamang kana nga ang Miss Kuyamis is really sending strong candidates competitive nationally kay dili man ta ma iliwit sa national competition,” pahayag ni Saclot.

Sa kalihokan karon daw ilang ipaniguro nga mas bongga ug mas masadya ang Kuyamis Festival.

“We assure you the 7th Kuyamis Festival this years edition is much going to be brighter much bigger more festive than ever,” matud ni Saclot.

Molangkob kini sa Enero 6 ngadto petsa 11 sa 2020.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph