Phisgoc napili nga best organizer sa SEA Games

GITUDLO sa Sports Industry Awards (SPIA) Asia ang Philippine South East Asia Games Organizing Committee (Phisgoc) isip best organizer sa Southeast Asian (SEA) Games.

Ang pasidungog gibase sa pagpahigayon og world-class opening ceremonies ug pagpadagan sa 530 sporting events sa 30th edition sa matag duha ka mga tuig nga kompetisyon.

Si SPIA chief executive officer Eric Gottschalk personal nga mitunol sa pasidungog ngadto nila ni Phisgoc chairman Alan Peter Cayetano ug Phisgoc chief operating officer Ramon Suzara sa usa ka panaghugpong gipasiugdahan sa SPIA Asia sa Grand Hyatt Hotel.

Ang SPIA maoy labing respetadong award giving body sa tibuok Asia.

Nagkanayon si Suzara nga ang pasidungog nakadasig og samot sa ilang mga sakop nga mas mokayod sa nahabiling mga adlaw sa kompetisyon. (RSC, ESL)