SUPERBALITA CEBU

Ika 19 nga kawani sa Lapu-Lapu nga nag-positive sa drug test

USA ka 52-anyos nga lalake ang uwahing nagpositibo sa padayong random drug test sa City of Lapu-Lapu Office of Substance Abuse and Prevention (C-Losap).

Ang kawani sakop sa Market office sa Dakbayan.

Siya gipaubos sa kinalit nga drug test uban ang 71 ka mga kawani niadtong miaging Biyernes, Nobiyembre 29.

Sa kinatibuk-an, moabot na sa 19 ka mga kawani sa Lapu-Lapu City Hall ang nasakpang tiggamitan og ginadiling drugas sukad gisugdan ang pagpahigayon og random drug test sa C-Losap niadtong Hulyo 1.

Matod ni Lapu-Lapu City Mayor Junard “Ahong” Chan magpadayon ang mga random drug test sa mga buhatan sa city hall bisan kon human na kini napaubos.

Busa angay magmatngon ang mga kawaning nagumon sa dautang bisyo.

Gani, ang mayor nipaubos na usab sa laing drug test niadtong miaging semana uban ang Executive Judge sa Lapu-Lapu City Regional Trial Court (RTC) Judge Joseph Stephen Ignacio , Fiscal Ruso Zaragosa sa Lapu-Lapu City Prosecuotors Office ug Police Colonel Clarito Baja, director sa Lapu-Lapu City Police Office (LCPO).Pulos usab sila nag negatibo.

Si Chan nipaubos na usab sa drug test niadtong Hulyo.

Agi og paghatag og kadasig sa mga empleyado nga hingpit nang mobiya sa dautang bisyo kon ugaling nagumon sila niini sa pagkakaron, hayan butangan og pahibawo ang matag buhatan nga walay nagpositibo sa ginadiling drugas og “This is a drug-free workplace”. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph