ORMOC City, Leyte - Eastern Visayas Motorcycle Club (EVMC) mihimo og unity ride for a cause diin ang kwarta nga ilang natigom gitabang sa usa ka immuno- suppressed patient sa usa ka tambalanan.
Matod ni Noel Casuco, founder sa EVMC, 500 ka mga rider uban sa ilang mga backriders gikan sa tanan nga lugar sa Eastern Visayas niapil sa ride.
Nagpundok sa Ormoc City ang tanan nga riders ug nahuman ang ilang ride sa Tomalistis Falls sa Barangay Asug, Caibiran, Biliran.
Ang grupo nakatigom og P60,000 alang sa benipisyaryo nga si Victor Laurel, kinsa dili na kaayo makalihok gumikan sa hinay na kaayo nga immune system.
“This is now the modern day bayanihan, working together, sharing and pooling resources, all riding for a noble cause to achieve one goal and that is to give Victor Laurel a chance to live,” matod ni Casuco.
Nagpasalamat usab ang EVMC kang Ormoc City Councilor Goito Yrastorza ug Barnsby Durano Cagang sa pagtabang kanila. Ang EVMC natukod niadtong 2015 ug gitan-aw nga modaghan pa ang chapter tibuok Pilipinas.Gani, duna na kini chapter sa Manila.
Rehistrado usab sa Securities and Exchange Commission (SEC) ang grupo.
Gawas sa mga charitable works, moapil usab ang grupo sa pag-promote sa turismo sa Eastern Visayas.
Ang Ride for a Cause dunay tema nga “No one is useless who lightens the burden of others. Let us be one in showing that we are not just rider but we ride for a cause and with a purpose”.
Gisaad sa EVMC nga di kini katapusan nga ride for a cause. (JKDP)