Labellla gustong Disyembre 4 ma-special holiday sa Cebu

GIAWHAG ni Mayor Edgardo Labella ang duha ka mga magbabalaod sa Dakbayan sa Sugbo nga silang Kongresista Rodrigo Abellanosa ug Raul Del Mar paghimo og balaod para madeklarar ang Disyembre 4 nga special holiday.

Kini isip pagpahinungod sa di masukod nga tabang nga namugna ni kanhi Senador Sergio “Serging” Osmeña Jr., para sa imprastraktura ug ekonomiya sa Sugbo, kansang ika-103 nga adlawng natawhan gisaulog sa Cebu City Government.

“The purpose is to give the next generation and generation to come to be fully aware that at one point, there was a Cebuano who made a difference in the lives of the Cebuanos with the construction of the North Reclamation project, with the bridge connecting Mactan Cebu and for having conceptualized the Mactan Cebu International Airport,” paghulagway ni Labella

Ang mayor niingon kaniadto nga ang airport sa Sugbo nagbase pa sa Barangay Lahug apan, napanglantawan na sa kanhi senador kon unsay mahitabo sa umaabot nga panahon hinungdan nga iyang giplano ang pagbalhin niini sa Mactan.

“He already thought ahead of his time that there’s going to be a time that there will be jumbo jets, no longer the propeller type that needs a longer runway and the best place was Mactan,” padayag sa mayor.

Si Labella kinsa maoy nagpilde ni kanhi Mayor Tomas Osmeña sa niaging eleksyon nga anak ni Serging nagkanayon nga nakita nang daan sa kanhi gobernador sa lalawigan sa Sugbo kon unsay mahitabo sa umaabot nga panahon dihang siya aktibo pa sa katungdanan.

“At that time, even his political opponents even branded him as the like of a Man of la Mancha, dreaming the impossible dream but he was able to make it. Although nag-establish ang na-gyud sa bridge former President Ferdinand Marcos na ug sa airport but, it was Serging Osmeña Jr who conceptualized it,” dugang niya.

Si Abellanosa sa Cebu City south district nihangop sa awhag ni Labella ug iya kining tun-an uban ni Del Mar.

“I am 100 supportive and I will do that. Siguro wala na na makahinumdom ang uban ba unsay dako nga contribution ni Serging sa Cebu. We will look into that and 100 percent ko ana nga mo-spearhead. Ako ning i-discuss ni Congressman Raul V. Del Mar,” padayag ni Abellanosa kinsa kaalyado sa kanhi mayor.

Atol sa kasaulogan kagahapon, ang City Government pinangulohan ni Labella, Bise Mayor Michael Rama, Konsehal Renato “Junjun” Osmeña, anak ni Serging nga si Georgia ug ubang kaliwat, nitambong apan wa si kanhi mayor Osmeña.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph