COMELEC Province naglantaw sa mas daghang botante ug mas taas nga higayon nga makaandam alang sa national ug local elections sa 2022.
Gibutyag ni Atty. Lionel Marco Castillano, Cebu Provincial Election Supervisor nga tungod niini, dako og epekto sa ilang pagpangandam alang sa umaabot nga piniliay ug makahigayon pagpangrehistro pag-usab ang napapas sa lista.
Gipanglantawan karon sa Commission on Elections sa Cebu (Comelec) Province ang mas taas nga datos sa mga botante karon nga giaprubahan na ni Presidente Rodrigo Duterte pag-uswag sa barangay ug SK elections sa 2022.
Nasayran nga sa miaging piniliay, mas menos ang mibotar ug misaka ang gidaghanon sa voters nga gi-deactivate.
Tungod sa ubos nga gidaghanon sa mga mibotar sa 2018 ug 2019 may moabot sa 322, 751 ka mga botante ang gipapas na sa listahan sa Comelec tungod sa failure to vote twice.
“I think two elections wala gyud mi ka tangtang, in fact niubos gyud atong number of voters but we expect tonrecover it during the whole year of next year, marecover nana nato parehas katong failure to vote twice nga mga tiguwang nga wa kabotar unya nibalik napod karon for their financial benefits, kato sad mga ni abroad unya wala ka botar karon nibalik na dinhi,” matod ni Castillano niadtong Disyembre 4, 2019.
Lakip sa gipangandaman sa buhatan ang pagtuon sa mga tinun-an sa senior high school sa pamaagi sa SK election.
Tungod kay madungan man ang national ug local elections, mas daghan na ang gikinahanglan nga mga magtutudlo ingon man registered voter volunteers nga maoy makatabang.
“Naa mana siya sa general instructions nga una ang national government employees nga buot mo-serve tapos ikaduha kanang teachers from private schools among kuhaon, ug kana sang any registered voters of no probity and independence nga walay gidapigan but least priority gyud na”, matod ni Castillano.
Samtang gawas sa mga programa nga giandam, alang sa mas transparent nga resulta sa piniliay, gipanglantawan karon sa Comelec ang bag-ong vote counting machines.
“Well the president would not want to use that machine again, maybe the Comelec is trying to improve our automation system for more transparency... although automated but more transparent kay we would want nga ang better acceptability on the part of the results ngadto sa mga candidates and the voters as well," matod ni Castillano.
Gipahibawo ni Castillano nga possibleng buksan na sab ang pagparehistro karong Enero o Pebrero sa sunod tuig.
Nanghinaot ang Comelec nga pahimudsan sa mga opisyal sa barangay ang kahigayonan nga makaserbisyo ug magamit ang pondo alang sa mga giplano nga mga proyekto ug programa sa barangay og dili usab masagolan ug pamolitiko ang mga proyekto sanglit layo pa ang piniliay.
“The Government has the whole year next year to implement its programs without thinking qbout politics. Usually magkaduol ang election, ang mga projects puro na for the election purposes. Hopefully next year makakita ta ug projects nga for the people”, matod ni Castillano.
Ang plano nga pag-uswag sa eleksiyon sa barangay padayong gitun-an karon. (ANV)