SUPERBALITA DAVAO

Petecio target ang gold

(Nesthy Alcayde Petecio FB)

MANILA -- Kung si Aiba Women’s World Boxing Championships 2019 gold medalist Nesthy Alcayde Petecio mobugno alang sa gold medal karong Disyembre 9, si Rio Olympian Charly Suarez nagsugod sab sa iyang paningkamot nga makaangkon og medalya sa Philippine International Convention Center (PICC).

Duha ka entrante lamang ang nakasud sa women’s featherweight class (57 kilograms) - Petecio ug iyang kaatbang, Nwe Ni Oo sa Myanmar human ang draw set, Martes, Disyembre 3.

Pulos nalambigit sa kontrobersiyal nga championship match sa 27th SEA Games sa Myanmar niadtong 2013 diin si Petecio nakaangkon og sakit nga kapildihan ug giangkon na lamang ang silver.

Ang 27-anyos nga si Petecio, nga miangkon og silver sa 28th SEA Games 2015 sa Singapore, nagkanayong daw giilog kanila ang bulawan sa Myanmar.

Ang coach nga si Nolito Velasco nagdugang nga di sila mokumpiyansa kang Nwe Ni Oo.

“Hindi pa natin masabi po yan (na sure na sa gold si Nesthy). Nag-prepare din po yan (Oo) para dito sa SEA Games. Antayin lang po natin ang laro (We can’t be certain about Petecio winning the gold. The Myanmar boxer also prepared for this SEA Games. Let’s just wait for the bout),” ni Velasco.

Samtang si Suarez sa Barangay Sawata sa Davao del Norte, makigbugno sa taga-Myanmar nga si Min Arkar Paing sa men’s lightweight (60 kg) quarterfinals.

Ni Suarez di siya pamilyar sa mga boksidor ug unang beses niyang makaharong si Min Arkar Paing.

“Wala ko makaila sa ilaha,” matud niya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph