SA DISYEMBRE 9 (Philippine time) ang judgment day alang sa mga hiyas nga apil sa Miss Universe 2019.
Pambato sa nasud si Gazini Ganados.
Uban sa pagbansiwag niya sa iyang adbokasiya, apil na ang kaanyag sa usa ka Pinay, gibalandra sab sa beauty queen ang mga bonggang obra sa mga local artists sa nasud.
Sa mga pre-pageant activities, mamatikdan nimo ang mga bonggang accessories nga gamit sa dalaga, and take note, gama kini sa usa ka Dabawenya!
Obra kini ni Kathryn “Kay” Fanlo.
Unang nakahatag og pagtagad ang necklace ni Gazini nga suma pa Ata inspired.
Ang Ata usa sa mga tribu sa Davao ug nailang “dwellers in highlands”.
Luyo niini, gibalandra sab ni Gazini ang pares niya sa “patriotic” earrings.
Suma sa Facebook post ni Kathryn, ang aritos gitawa g niyang “watawat,” nga may kolor ug elemento sa bandila sa nasud.
“Wearing our flag with pride (“Watawat”). Made these customized flag inspired earrings especially for Gazini. Thank you for helping promote local talent and showing the rest of the world our rich culture,” dugang ni Fanlo sa iyang Facebook post.
Luyo sa earrings ug necklace nga gamit sa Miss Universe Philippines, giingong gamit sab niya ang bags nga gama sa Davao artist.
Kinsa si Kathryn
Sa report sa SunStar Davao, giingong nagdako si Fanlo sa palibot diin anaa kanunay ang creativity.
Suma pa, inay hatagan siya og duwaan sa iyang inahan, dunulan siya og retaso niini gikan sa iyang dress shop.
Pag-abot sa kolehiyo, nagsugod siya sa paghimo og mga pinasahing kwintas ug gibaligya niya sa Eden Resort. Hangtud naabot kini sa Bohol Bee Farm Resor.
Tuig 2018, misalmot siya sa “Habi Kadayawan,” ang tinuig nga fashion and design competition sa siyudad.
Luyo sa pila ka adlaw lang nga preparasyon apan, siya ang miangkon sa grand prize sa hobbyist o artist category.
Suma ni Fanlo nga inspired ang iyang mga creations sa abundang kultura ug natural nga kaanyag sa Mindanao, apil ang tribu, nga makita sa iyang obra.