11 armas gitahan sa mga sibilyan

(Hulagway ni Edgar E. Fuerzas)
(Hulagway ni Edgar E. Fuerzas)

TACURONG CITY -- Gitahan sa lokal nga kagamhanan sa Lambayong sa Sultan Kudarat ang 11 ka tag-as nga matang sa armas ngadto sa militar alas 11 sa buntag niadtong Martes, Disyembre 3.

Sa taho gikan sa 6th Infantry (Kampilan) Division, Philippine Army, nasayran nga gisurender sa LGU-Lambayong ang nahisgutang mga armas ngadto sa puwersa sa 2nd Mechanized Infantry (Makasag) Battalion.

Mismong sila Mayor Ferdinand Agduma ug Association of Barangay Captains president Norhato Sanday ang nagtunol sa mga armas ngadto sa militar nga giingong gisurender sab kanila sa mga sibilyan.

Mga armas nga gitahan gilangkuban sa mga lokal nga gigama nga armas sama sa 12 gauge shotgun uban sa magazine, 2 M79 grenade launcher, 2 cal. 50 Barret, 1 7.62mm rifle, 1 Springfield M14 rifle, 1 M16A1 rifle uban sa gitaban nga M203 grenade launcher, 1 cal. M1 Springfield, 1 Cal. 30 Eddystone ug 1 ka 5.56mm single-shot rifle.

Ang pagsurender sa mga armas resulta sa pagpaningkamot sa local government unit (LGU) sa Lambayong sa kampanya batok sa mga loose firearms uban ang kapulisan ug kasundalohan.

Nagpasalamat si 2nd Mechanized Infantry Battalion Commander Lieutenant Colonel Omar Orozco sa LGUs nga hugtanon nga nagsuporta sa “Balik Baril” program sa kagamhanan.

“This handover ceremony of loose firearms is a demonstration of your commitment and sincerity to help us in achieving a peaceful and secured community. It is also a very clear indication that the dream of having peaceful community for our children will be attained soon as long as we collaborate and help each other,” dugang ni Orozco.

Nanawagan sab si Orozco sa mga sibilyan ug mga grupo nga dunay mga armas nga walay mga dokumento nga itahan na kini ngadto sa militar ug kapulisan. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph