SAGAD sa mga produkto alang sa Noche Buena mao ang mga produktong baboy, rason nga lakip kining gisusi sa tinugyanan sa Anti-African Swine Fever (ASF) task force sa siyudad sa Cagayan de Oro.
Padayong gipatuman ang temporaryong pag-ban sa mga produktong baboy nga gikan sa Luzon dinhi sa siyudad aron nga masigurong luwas ang dakbayan sa ASF.
Matud ni Dr. Lucien Acac, veterinarian sa City Veterinary Office, nga gisuta sa Anti-ASF task force ang mga produktong baboy kung nakaabot kini base sa rekord usab sa wala pa gipatuman ang Executive Order 172 o temporaryong pag-ban sa produktong baboy gikan sa Luzon.
"Unsa ba gyud kining gipang display dinhi kung nakaabot ba kini dinhi sa atong siyudad before or after the signing of the Executive Order 172 katong temporary total ban sa mga pork products coming from Luzon," matud ni Acac.
Gidugang pa niini nga sa ilang pagsuta, wala pa sila'y nakita nga nakalapas ug gani gipatuman na ang pag-ban sama sa pagkuha sa mga imported ug processed pork products nga mga branded.
"Duna na man Dna nay atong past nga activity nga ato na nang gihimo, katong
among nakita sa ubang mga malls. So amo ng gi-implement na gyud ang implementing guidelines kabahin sa temporary total ban," dugang pa.