NAKABSAN sa kinabuhi ang usa ka negosyante human giingong misukol sa pulis atol sa manhunt operation niadtong niaging mga adlaw sa Purok 1, Barangay Baybay, Bonifacio, Misamis Occidental.
Gibutyag ni Police Colonel Danildo Tumanda, ang provincial director sa Misamis Occidental Police Provincial Office, nga ang suspek nga mao si Chonel A. Bertulfo, 47, negosyante, kinsa suspek sab sa unang shooting incident nga natigayon sa Barangay Lapinig, Kapatagan, Lanao del Norte kon diin samdan ang usa ka fish pond caretaker nga mao si Marito Libre, ang samdan.
Tungod niini, ilang gilusad sa Bonifacio Municipal Police Station ang manhunt operation sa pagpanguna ni Police Captain Alvin Mernilo uban ang Kapatagan Police Station, apan dihang paingon na nga arestuhon ang suspek, nisukol kini ug nisulay pa og ilog sa armas sa pulis.
Dihang nakabuhi, gigukod sa mga pulis ug kuhaon unta niini ang granada sulod sa iyang sling bag.
Apan ang miresponding pulis diretsong mipusil niini, hinungdan sa pagkaigo sa bukton ug likod sa iyang lawas maoy hinungdan sa iyang hinanaling kamatayon.