GITAPOS ni Carlos Yulo ang iyang kampanya sa 2019 Southeast Asian Games pinaagi sa paglabni og duha ka sunod-sunod nga silver medals sa men's artistic gymnastics competition sa Rizal Memorial Coliseum Miyerkules, Disyembre 4, 2019.
Nakuha ni Yulo ang runner-up honor sa parallel bars diin siya mitali og 14.600 points sunod sa 14.800 points ni Phuong Thanh Dinh sa Vietnam.
Sa katapusan niyang event, ang 19 anyos nga world champion mitali og 13.667 sa horizontal bar nga ubos ra og gamay ni Phuong kinsa may 13.767 points.
Hinuon, sa sayong bahin sa kompetisyon, ang 4-8 nga Yulo nakakutlo na og duha ka golds. Kini gikan sa all-around ug floor exercise events, ug naka-silver sa still rings, pommel horse ug vault events. (JBM)