SUPERBALITA CEBU

P3M shabu sakmit gikan sa tomboy

NASIKOP: Si Jeramy Bastatas, 36, edad ug taga Barangay Inayawan, dakbayan sa Sugbo apan nasikop sa sudlonon nga dalan sa St.Jude, Barangay Bulacao, dakbayan sa Sugbo diin nakuhaan og P3 miyunes nga balor sa drugas. (Benjie T. Talisic)

KAPIN sa tres milyunes pesos ang balor sa shabu nga nasakmit sa mga operatiba gikan sa usa ka tomboy nga lumolupyo sa Barangay Inayawan, dakbayan sa Sugbo.

Atol sa buy bust, nakuhaan kini og shabu sa iyang posisyon nga gibanabana og 450 gramos sa shabu nga moabot sa kantidad nga P3 milyones kapin subay sa Dangerous Drugs Board (DDB) value.

Si Jeramy Bastatas, 36, taga Barangay Inayawan apan didto nadakpan sa sudlonon nga dalan sa St. Jude, Barangay Bulacao.

Gironda ang sakop sa lesian, gays, bisexual and transgender (LGBT) sa mga operatiba sa Police Drug Enforcement Group (PDEG) Visayas, Special Operation Unit -5, Philippine Dru8g Enforcement Agency (PDEA) 7 ug Pardo Police, pasado alas 5 sa hapon niadtong Miyerkules ubos sa pagpangulo ni PCol. Glenn Mayam, hepe sa PDEG Visayas.

Si Bastatas giilang high value target tungod sa gidaghanon sa shabu nga nasakmit.

Ang dinakpan nasayran nga usa ka kanhi corps commander sa Citizens Army Training (CAT) nga misulod sa pagka drug courrier.

Sa habig ni Bastatas,gitudlo niini ang usa ka Jay nga iyang silingan maoy misugo kaniya sa paghatud sa tawo nga maoy hatdan sa shabu.

Bugti sa P500 maoy bayad kaniya sa iyang pagbalik na mahatag ang kwarta kon mahuman na ang transaksyon niini sa gisugo kaniya.

Si Bastatas sakay sa motor nga maoy gisakyan ra usab ni Jay kaniya sa paghatag sa maong item.

Si Bastatas maoy mipuli sa pagsakay paingon na sa gikasabotan nga lugar kon asa magtagbo aron kuhaon ang shabu sa buot mopalit niini.

Kalapasan sa pagpamaligya ug paghupot og drugas subay sa Akta Republika 9165 o Dangerous Drugs Act of 2002.

Ang dinakpan kasamtangan unang gipriso sa Abellana Police Precinct samtang padayon pa ang proseso sa pagsang-at sa kaso batok na kaniya.

Samtang, siyam ka mga durugistang Talisaynon ang nasikop sa duha ka managlahi nga mga operasyon sa kapulisan sa Talisay ug sa PDEA 7 niadtong Miyerkules sa gabii, Disymembre 4, hangtud na sa Huwebes sa kaadlawon, Disyembre 5.

Unang nasikop sa PDEA-7 ang tulo ka mga lalake ug usa ka babaye atol sa gihimu nga buy bust pasado alas 7:00 sa gabii sa sitio Saw-sawan, Barangay San Roque, dakbayan sa Talisay.

Nasikop sila si Jefone Gerali, Joseph Cabigon, Joven Antonio, Niño Reyes, ug Josephine Barade,parehong mga anaa sa hingkud nga panuigon.

Ang target sa operasyon nga si Klear Macaraya ang nakaeskapo.

Ang PDEA-7 ang nipaubos na kang Macaray sa pipila ka semana nga surveillance human nakadawat og report sa pagpamaligya og drugas ug pagpagamit sa balay isip suyupanan.

Nakuha sa operatiba sa sud sa balay ang mga pinakete sa shabu nga balor sa P95 mil.

Ug pasado alas 12:00 sa kaadlawon, laing lima ka mga adis-adis ang gidakop sa operatiba sa Talisay City Police Station sa Sitio Panaghiusa, Barangay Tabunok, Talisay.

Target sa operasyon ang usa ka Junderf Campo, kinsa maoy tag-iya sa panimay uban na sa iyang mga higala nga sila Mathew Laburada, 37, ug Ericson Raga, 27, Ang tulo puros mga mahuyang.

Nasikop usab sila si James Lastimosa, 37, ug Gerson Lagnason, 25.

Matud sa kapulisan nga ang panimay ni Campo ang gihimo na nga drug den.

Ug nasuta atol sa operasyon nga usa ka kwarto niini ang gihimong lugar alang sa pagpahigayon og cyberpornography, mismo ang mga dinakpan ang niangkon.

Gisusi pa hinuon sa kapulisan ang anaa sa computer unit nga giingong gigamit diha sa cyberporn alang na sa laing kaso nga ipasaka.

Nakuha gikan sa mga dinakpan angmobalor sa dul-an P5 mil nga shabu.

Ang siyam gipasakaan na og mga tukma nga kaso may labot sa pagkupot ug pagpamaligya sa ginadili nga drugas. (FMD, BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph