ALEGRE, bibo ug swak sa sayong pamasko ang gidalit sa numero unong telecommunication sa nasod nga mao ang Globe.
Kini human niadtong Nobiyembre 7, mga dagkong personahe sa Globe nianhi sa dakbayan sa Cagayan de Oro aron hatagan og sayo nga pinaskuhan ang mga dinapit nga mga sakop sa prensa sa siyudad ug mga bloggers. Kini gipahigayon sa Seda Hotel, Centrio.
Dili lang lamian nga pagkaon ang natilawan sa mga sakop sa prensa, apan naka wow sa mga pa-raffle human ilang grand prize sa raffle ang iPhone 10, Samsung Note 10, iPad, smart TV, GoPro camera, ug uban pa nga mga appliances.
Gilingaw sab sa Globe ang mga sakop sa prensa pinaagi sa ilang mga games, kay ning tuig, usa ka sportsfest ang tema sa mga aktibidades kung diin dili mominos sa P500 ngadto P2,000 worth sa Sodexo gift certificate ang madawat sa mga makadaog.
“As a way of saying thank you for all the support, Globe holds an annual appreciation party for media and bloggers in key cities in Visayas and Mindanao,” matud ni Mafe Barcelo, PR Works senior media relations specialist.
Pinaka highlight sa programa mao ang cheer dance competition kung diin tulo ka partisipante ang nisalmot ug naghinam hinam nga maangkon ang P50,000 nga grand prize; P30,000, 2nd prize; ug P20,000, 3rd prize.
Ang blue team gipangunahan sa SunStar Cagayan de Oro team ang miguwa nga kampiyon, samtang ang yellow team nga gilangkuban sa CdeO blogger ang anaa sa ikaduhang pwesto, ug ang red team sa Mindanao Daily maoy ikatulong pwesto.
“Akong ganahan sa Globe dili makalimot ug pasalamat sa mga sakop sa media nga dako og kabahin sab sa ilang kalamposan,” tipik sa pasalamat sa pipila ka sakop sa media nga misalmot.