SUPERBALITA CAGAYAN DE ORO

P1M nga proyekto ang premyo sa Kuyamis Festival



USA sa labing talagsaon nga highlights sa gitakdang Kuyamis Festival 2020 nga magsugod sa petsa 6 ngadto 11 sa Enero 2020 kining dagkong papremyo sa booth competition ug street dancing competition.

Kini ang gikumpirmar ni Atty. Jeffrey Saclot, ang provincial tourism head, kinsa miingon nga mas dako nga kompetisyon nga mga mahitabo labina sa street dancing ug booth competition tungod kay dagko nga papremyo ang gipasalig ni Misamis Oriental Governor Bambi Emano.

"We have a much bigger competition this time kay mas dako ang premyo sa atong mga entrante," matud ni Saclot.

Dugang niini nga P1 milyon ang dawaton sa mananaog sa booth competition ug street dancing competition kon asa dili cash apan kantidad sa usa ka proyekto nga maharbat sa munisipyo nga misalmot sa kompetisyon.

"As committed by Governor Bambi (Emano), ang modaog sa street dancing ug booth competition makadawat og P1 million worth of projects para sa ilang lungsod ug siyudad," dugang ni Saclot atol sa paghinabi sa prensa niini sa pagbukas sa Kuyamis Festival.

Dugang niini nga lipay siya sa pag-ila sa Kuyamis Festival dili lang sa local ug national apan sa international.

Usa sa angayan hulatan karon nga tuig mao kining Mindanao Overland Expedition kung diin dili mominos gatusan ka mga sakyanan ang mag-compete gikan sa bukid sa Opol ngadto bukid sa Manticao.

"More than a hundred off-road vehicle which are participating this. People not just came from the province but whole Mindanao," say pa niini.

Gipaniguro niini nga mas dako ug mas alegre ang Kuyamis Festival ning tuig.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph