PATAY ang usa ka driver sa motorsiklo human nabangga ang motorsiklo sa usa ka Fuso Canter van mga alas 11:30 sa buntag sa Huwebes, Disyembre 5, sa Valencia City, Bukidnon.
Ang driver sa Yamaha Sniper nga motorsiklo mao si Silvestre J. Calvario Jr., 32, minyo, kinsa nakabsan sa kinabuhi.
Kini human maayong pagkasungag niini sa Fuso van nga gidrayban ni Ababat Orlando Jr. Plaza, 42, residente sa Poblacion, Manolo Fortich, Bukidnon.
Lakip sa nalambigit nga sakyanan ang usa ka Isuzu dropside truck nga gimaneho ni Rex Lopez.
Sa report, giingong ang motorsiklo unang nabangga sa dropside truck, ug naligid kining motorsiklo, hinungdan mipasok sa van ang biktima.
Ang duha ka mga sakyanan gikostudya na sa Valencia Police Station.