Vendors iplastar panahon sa Pasko

GI-ANDAM na ang traffic plan sa Roads and Traffic Administration (RTA) ug lakip niini ang pagplastar sa mga vendors ilabi na sa mga sagad dagsaon sa katawhan panahon sa Pasko sama sa merkado ug mga mall sa dakbayan sa Cagayan de Oro.

Gibutyag ni Engr. Nonito Oclarit, assistant department head sa RTA, nga duna nay preparasyon ang ilang buhatan matag tuig, ilabi na sa Disyembre ug ila na lang ihan-ay pag-ayo.

"Naa may pattern namo ani unsay buhaton nato sa matag December na. Ang amo lang, i-strengthen namo ni nga mga scheme nga among gahimuon labi na sa mga dalan nga duol sa atong merkado kay ang atong traffic congestion man gud naa gyud na siya sa mga duol sa mall ug kaning mga merkado nato," matud ni Oclarit.

"Naay traffic plan nato sa particular sa Cogon area kay mao man gyud na ang matawag nato nga isa gyud sa pinaka congested nga area sa Disyembre, apil na ana ang pagplastar sa mga vendors kay daghan man gyud mamaligya ana panahon sa Pasko," dugang pa.

Gisiguro usab niini nga dili biyaan sa mga traffic enforcer ang kadalanan aron nga dili malukong ang mga sakyanan.

"Ang pinaka highlight pud nato niani ang atong mga enforcers naa gyud sila sa kadalanan, dili nato pabiyaan ang mga dalan kay sigurado man ta nga daghan gyud mga sakyanan nga magsaoysaoy gyud sa kadalanan," dugang pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph