MALIPAYON si Gilas Pilipinas coach Tim Cone nga bisan tataw ang ilang dakong bintaha sa puwersa, wala molugak bisan gamay ang iyang mga batos sa ilang paglampornas sa Singapore, 110-58, sa premiro nilang tahas sa 30th Southeast Asian Games basketball event niadtong Miyerkules, Disyembre 4, 2019 sa Mall of Asia Arena.
Gipasabot ni Cone nga sama niini nga kinaiya ang gusto niyang makita gikan sa iyang mga batos, kinahanglang kanunay magtutok sa duwa.
“Our guys took a serious approach. I think they’re trying to show the country that they’re gonna take a serious approach and respect the game, respect the opponent, and come out and play hard, play the game right,” asoyni Cone sa interbyu sa Spin.ph.
Karong alas 8:15 sa gabii, ang Gilas Pilipinas makigbatok sa Vietnam alang sa ikaduha nilang tahas. (ESL)