DEAR Papa Joe,
Tawaga lang ko sa ngalan nga Jovy, taga Lapu-Lapu City. Minyo diay ko ug may usa ka anak. Kauban ra sab nako akong bana sa factory.
Ang akong problema kay sa dihang naay niabot nga laing kauban namo sa factory. Kani siya gwapo kaayo ug di ikalimod nga siya gyud ang ideal guy nako in terms sa hitsura ug panglawas. Mao ni siya akong suliran karon kay nagka-develop na man ko niya pero wa ko magpahalata ug nagkawala man akong gugma sa akong bana kay mag daydream gud ko nga siya nalang unta akong bana.
Ang problema pa kay everytime nga gamiton ko sa akong bana, siya man akong mahuna-hunaan. Mao na palihug tambagi ko.
Jovy
Jovy,
Di gyud na maayo, Day, kay nahimo kang unfair sa imong bana labi na nga kasado mo ug may gipanumpaan mo. Kay kon magkabulyaso, mapagan ang imong anak anak. Daghan na mga tawo maangin sa bulyaso ninyo.
Ayaw isugal ang imong pagbati anang tawhana kay wa sad ta masayud nga kon mosulti ka niya sa imong gibati, mao ba sad kaha ang pagbati niya nimo. Basin og modiga ka, sakyan ra sad ka niya. Bulyaso ka or what if magka kamo. Unsa kahay mabuhat sa imong bana diha nimo o diha niya? Samtang sayo pa, undanga na kay minyo ka.
Papa Joe
(sa inyong tampo ipadala lang sa papajoesuperb@gmail.com)