SUPERBALITA CEBU

2 ka mga sityo sa Bulacao dunay kaugalingong tinubdan sa tubig

TUNGOD sa kanihit sa tubig karon, nakapangita og paagi ang mga residente sa duha ka mga sityo sa Barangay Bulacao, Siyudad sa Sugbo diin sa usa ka spring sila mokuha og tubig nga ilang gamiton sa ilang pangadlaw-adlaw nga kinahanglanon.

Ang duha ka mga sityo mao ang Sitio Cabancalan ug Sityo Bulsita diin 300 ka mga pamilya ang gisuplayan sa gitawag nila nga Bulacao Spring.

Si Kapitan Rodrigo Jabellana sa Barangay Bulacao niingon wa pa siya naglingkod isip kapitan sa maong barangay, nagsugod na ang pag-agas sa spring.

Ang spring naggikan sa bukid diin adunay dako nga pipe ang gibuhat sa barangay padulong sa tangke sa barangay.

Kini moagas na padulong sa kabalayan. Anaa usab silay metro diin basehan nila pila ang nagamit nga tubig sa matag pamilya.

Adunay bayad ang pagkonekta sa spring nga nagkantidad og P125 matag buwan.

“Di man gyud ni negosyo ato. Ang ato lang kay makahatag ta sa mga balay. So, makakuha lang mi sa maintenance ug sa electricity, aw okay na,”pasabot ni Jabellana.

Sigon ni Jabellana nga anaay agas kada adlaw apan di 24 oras tungod kay ilang kontrolon ang tangke ug kini ilang tan-awon kon nahurot na.

Kon nahurot na, magpabomba sila sa sulod niini aron padayon ang pag-apod-apod.

Dungag niya nga wa niya umentohi ang binuwan nga bayranan tungod kay di igo ang suplay niini.

Kini magputol-putol pa ug mao usab ni ang rason nganong wa sila nanawat og laing aplikante nga gusto mokonektar sa spring. (JCT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph