SUPERBALITA CEBU

Duna nay bag-o, unipormeng pletihan ang beep

HINIUSA nga pletihan alang sa nga modern jeepneys ug electric jeepneys mao ang tumong sa Land Transportation Franchising and Regulatory Board (LTFRB) Memorandum Circular 2019-061 nga hingpit niepekto niadtong Miyerkules, Disyembre 4.

Matod sa regional director sa LTFRB 7, Eduardo Montealto Jr., nga di ra ingon dagko ang adjustment sa bag-o nga pletihan sa mga modern jeep.

Sa MC 2019-061 o ang “Fare Rates for Modern PUJ Services and Electric”, naglagda kini sa angay ug hiniusa nga pletihan sa mga modern jeep nga karon nagdagan na usab sa kadalanan.

“While passengers shall pay for a higher fare rates with the issuance of this memorandum circular, the benefits that shall be received in patronizing modern PUJ, and electric PUJ services shall be unquantifiable,” tipik sa memorandum.

Kon kaniadto ang unang lima ka kilometros nga pletihan sa modern jeep kay P9.50, karon unang upat ka kilometros na kini.

Kon kaniadto anaa sa P1.50 ang mosunod nga kilometro, anaa na kini sa P1.08.

Matod ni Montealto nga kon itandi ang kaniadto nga pletihan sa modern jeep sa Central Visayas ug sa ubang rehiyon, mas barato kini.

Mao nga gihiusa ang pletihan niini aron di usab alkanse ang mga operator sa makabag-o nga paagi sa transportasyon.

Base sa MC 2019-061, alang sa non-airconditioned nga e-jeep ug modern jeep, kinahanglan sila mopahamtang og pletihan nga 20 porsyento nga mas taas sa regular jeep ang unang upat ka kilometros apan wala ra’y kalahian sa sumusunod nga kilometro sa regular jeep.

Samtang sa airconditioned nga e-jeep ug modern jeep, parehong mas taas og 20 porsyento ang unang upat ka kilometro niini sa regular jeep ingon man mas taas og 20 porsyento ang mosunod nga kilometro niini sa regular jeep.

“Failure to observe the conditions set above shall be penalized under the Joint Administrative Order No. 2014-01,” tipik sa memoradum.

Ubos sa JAO 2014-01, kon dili makabutang ang operator sa taripa sa pampasaherong jeep, mamahimo kining makamulta og P5,000 sa unang offense; P10,000 sa ikaduhang offense diin ma-impound ang unit niini sulod sa 30 ka adlaw; ug P15,000 sa third offense diin kanselahon ang Certificate of Public Convenience niini.

Dugang ni Montealto nga di pa makapahamtang sa maong bag-ong pletihan ang tanang modern jeep kon wala pa nila napatik ang bag-ong taripa sa ilang jeep.

Anaa sa P50 ang bayad sa matag taripa nga makuha sa ilang buhatan.

Sa Central Visayas aduna’y sumatotal 178 ka mga modern jeepneys ang nagdagan.

Anaa sa dakbayan sa Sugbo ang 58 kabuok nga mao ang beep.

Sa Dakbayan sa Lapu-Lapu usab ang 100 nga gi-operate sa Star 8.

Laing 20 usab ang nagdagan sa Panglao sa Bohol nga parehong Star 8 ang operator niini.

Samtang umaabot ang 100 ka modern jeep usab sa Cebu People’s Multi-Purpose Cooperative o mas naila nga People’s Jeep nga aduna’y biyahe paingon sa Guba, bukirang bahin sa Cebu City ug sa kasamtangan nga rota sa jeep.

Gawas sa kapasidad, mas daghang mosakay karon sa modern jeep tungod sa kahamugaway niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph