GI-TOPPING sa kan-ong humay ang utok sa usa ka babaye human giputlan og ulo sa lalakeng gituohang dunay deperensya sa pangisip sa Barangay Punta Santiago, lungsod sa Talisayan, Misamis Oriental.
Napalgan nga wa nay ulo, gihiktan ang mga kamot ug hubo ang katunga nga bahin sa lawas sa usa ka babaye alas 5:00 sa buntag sa Huwebes, Disyembre 5, 2019.
Sa follow-up operation sa kapulisan, nasikop ang suspek nga nailang si Lloyd Bagtong, taga Sta. Ines, susamang lungsod.
Nakita sa puloy-anan ni Bagtong ang sako nga gisudlan sa putol nga ulo sa babaye.
Si Police Captain Maribeth Ramoga, hepe sa Talisayan Police Station, niingon sa SunStar Superbalita Cagayan nga nagpabiling wa pa mailhi ang babaye tungod kay way nakaila niini sa dapit.
Lisod usab kini ilhon tungod kay giputlan man og ulo.
Ang ulo sab sa babaye nga nadiskubre gisulod og sako, gipanitan ug gitagudtagud. (Superbalita Cagayan)