MANILA -- Ang kanhi Brokenshire College trackster Anthony Nerza misaad nga mohatag sa impresibo nga resulta sa iyang pakiglumba sa unang beses sa 30th Southeast Asian (SEA) Games men’s marathon sa New Clark City sa Capas, Tarlac, Disyembre 6.
Ang long distance specialist Nerza, nahimugso sa Kapalong, Davao del Norte apan nagdako sa Kapatagan, Digos City, masaligon sa iyang SEA Games debut.
“Positive lang Ma’am. God will guide my way para maabot ko sa (to reach the) finish line na successful. Never give up the fight,” suma sa 30-anyos.
Ang Koronadal 2007 Palarong Pambansa double gold medalist ug kapila ka beses nga National Prisaa Games champion karon nga tuig lang misud sa national athletics team.
Mirehistro siya sa best marathon time nga duha ka oras, 32 minutos ug 50 segundos sa National Milo Marathon Manila eliminations, Hulyo 28 ning tuig.
Niya, dugay na siyang nanukad sa Games. “Ready na, lalaban na.”
Samtang unom ka tuig na sab siyang kabahin sa Philippine Air Force (PAF).
“Enjoy lang ko sa akong journey.”
Samtang si Rio Olympian Mary Joy Tabal sa Cebu City gilantaw nga depensahan ang titulo sa SEA Games sa women’s marathon.