SUPERBALITA DAVAO

Nag-ihaw sa 16-anyos dalagita, napatay sab

TACURONG CITY -- Patay sa operasyon sa mga awtoridad alas 2:30 sa kaadlawon Huwebes, Disyembre 5, ang gitudlong suspek kinsa niluog nga nipatay sa dalagita sa probinsiya sa South Cotabato.

Giila ang suspek nga namatay nga si Richard Romo Gumilid, 31, nagpuyo sa Purok De Lotillo, Barangay Kalawag 2, Isulan sa nahisgutang probinsiya.

Sa taho gikan sa Sultan Kudarat Police Provincial Office, nasayran nga nilusad og operasyon ang Isulan ug Banga Municipal Police Station batok sa suspek apan nisukol hinungdan nga napatay.

Si Gumilid maoy gitudlo nga nipatay kang Barbie Inocencio, 16, Grade 10 pupil sa Notre Dame High School sa Banga.

Kahinumdoman nga nakaplagan ang patay nga lawas sa dalagita nga gisulod sa sako nga nasangit sa footbridge sa Purok Bagong Silang, Barangay Punong Grande, Banga.

Gihulagway nga gigapos ang mga kamot sa dalagita, dunay samad sa ulo nga posibleng gibunalan ug nakasuot pa sa iyang uniporme.

Nasayran nga nahanaw ang biktima niadtong Disyembre 2, 2019 samtang pauli sa ilang panimalay gikan sa tulunghaan niini.

Sumala pa nga ang suspek maoy live-in partner sa inahan sa dalagita human sila nagkabulag sa tinuod nga amahan niini nga radio technician sa RMN Koronadal City.

Una nang nagpagawas og P200,000 nga ganti si Congressman Ferdinand Ledesma Hernandez ug laing P200,000 sa usa ka negusyante sa Koronadal City nga makatudlo sa mga suspek nga niluog nga nipatay sa biktima.

Lain pang tulo ka person of interest sa krimen ang padayon pang gipangita sa mga awtoridad. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph